Stepnogorskide 21 jastaǵy qyz kólik urlap, onymen jol-kólik oqıǵasyn jasady. Apat kezinde ol mas kúıde bolǵan. Bul týraly infohub.kz saıty habarlaıdy.
Polıseıler anyqtaǵandaı, qyz juma kúni keshke tanystarymen birge аlkogól ishken. Sodan keıin ıesiniń ruqsatynsyz onyń Chevrolet Lacetti kóliginiń róline otyryp, ketip qalǵan.
Mas kúıinde qyz kólikti basqara almaı, apattyq jaǵdaı týǵyzyp, eki kólikpen soqtyǵysqan. JKO saldarynan jol qozǵalysyna qatysýshylardyń eshqaısysy zardap shekpedi. Urlanǵan shetel kóligi mehanıkalyq zaqym aldy. Kólik ıesine keltirilgen shyǵyn shamamen 500 myń teńgeni qurady.
Kólik ıesiniń aryzy boıynsha polıseıler kólikti zańsyz ıelený faktisin tirkedi. Qylmystyq is qozǵalyp, tergeý júrgizilýde.
Sonymen qatar, kólikti mas kúıde basqarǵany úshin qyz ákimshilik jaýapkershilikke tartyldy. Oǵan 860 myń teńgeden astam mólsherde aıyppul túrindegi ákimshilik jaza qoldanyldy.