4,3 mln teńge – dál osy soma «Úzdik pedagog» ataǵyn alǵan ustazǵa beriledi. Syıaqy mólsheri men tólem tártibin úkimet belgileıdi, al syıaqynyń ózi 1000 eselengen AEK-ti quraıdy. Bul týraly infohub.kz habarlaıdy.
Qazaqstan Respýblıkasy Oqý-aǵartý mınıstrliginiń naqtylaýynsha, 2023 jyldan bastap halyqaralyq olımpıadalar, baıqaýlar men sport jarystarynyń jeńimpazdary men júldegerlerin daıyndaǵan pedagogtarǵa úsh aılyq jalaqy mólsherinde birjolǵy syıaqy tólenedi.
Vedomstvo málimetinshe, «Qazaqstannyń eńbek sińirgen ustazy» qurmetti ataǵyna 97 pedagog ıe bolǵan, al «Úzdik pedagog» respýblıkalyq baıqaýynyń jeńimpazdary 800-den astam muǵalim boldy. «Bilim salasyndaǵy ózgeristerdiń 1000 kóshbasshysy» jobasy aıasynda 2023-2026 jyldar aralyǵynda kadrlyq rezervke 983 pedagog engizildi. Sonymen qatar, Qazaqstanda bes pedagogqa bilim salasyndaǵy eń joǵary memlekettik ataq – «Eńbek Eri» berildi.
Buǵan deıin Qazaqstannyń úzdik muǵalimi tórt mıllıon teńgege jýyq syıaqy alatyny habarlanǵan bolatyn.