Taqyryby: 4 - ke kóbeıtý jáne bólý
Maqsaty: 4 - ke kóbeıtý, bólý tásilimen tanystyrý. Este saqtaý joldaryn izdestirý. Bilim, bilik daǵdysyn keńeıtý, tereńdetý. Esepteý mashyǵyn jetildirý.
Damytýshylyǵy: Oqýshylardyń aqyl - oıyn, pánge qyzyǵýshylyǵyn, tanym qabletterin, zeıinderin, belsendilikterin, logıkalyq oılaý, salystyrý qabletterin damyta otyryp, aýyzsha jáne jazbasha esepteý arqyly bilim deńgeıin damytý. Tárbıelik máni: Oqytýdyń ómirmen baılanysyn nyǵaıtý, topta birlese jumys isteýge tárbıeleý, óz betinshe jumys jasaýǵa tóseldirý, alǵan bilimin paıdala bilýge, tatýlyqqa, tapqyrlyqqa tárbıeleý
Sabaqtyń tıpi: Jańa bilim berý.
Ádisi: Problemalyq izdený, toppen jumys.
Túri: Aralas sabaq.
Kórnekiligi: Jazbaqaǵazdar, logıkalyq tapsyrmalar jazylǵan taratpa materıaldar, ınterbelsendi taqta, oqýlyq.

Sabaqtyń barysy: İ. Uıymdastyrý kezeńi:
Psıhologıalyq daıyndyq.
Maqsatymyz bilim alý.
Mindetimiz eńbektený,
Eńbek etip toptasa,
«5 - ke» qoldy jetkizý.

İİ. Úı tapsyrmasyn tekserý (aýyzsha): Ekiniń, úshtiń kóbeıtý jáne bólý kestesi.
Logıkalyq tapsyrmalar berý. Úsh topqa paraqshaǵa jazylǵan tapsyrmalar taratylady. Bul tapsyrma toppen sheshiledi.
1 top: Torda úsh qoıan bar edi. Úsh oqýshy bir - birden qoıan aldy. Sonda torda áli de bir qoıan qaldy. Olaı qalaı qaldy?
Jaýaby(bireýi torymen aldy).
2 top: Taýyq eki aıaǵymen turǵanda 3 kg tartady. Bir aıaǵymen turǵanda neshe kg tartady?
Jaýaby (3 kg).
3 top: Bes butaqty qaıyńda,
Butaq saıyn bes alma.
Bireýin ber Saıynǵa,
Sonda qaldy neshe alma?
Jaýaby (Qaıyńda alma óspeıdi).

İİİ. Jańa sabaq: Problemalyq izdený. Úsh topqa tapsyrmalary bar kartochkalardy taratyp berý.
Birinshi tapsyrma: tórt birdeı sanynyń qosyndysyn tabý jáne odan shyqqan qosyndyny kóbeıtýmen almastyrý.
1 top: 4+4+4+4=16; 4*4=16
2 top: 3+3+3+3=12; 3*4=12
3 top: 2+2+2+2=8; 2*4=8
Ekinshi tapsyrma:
1 top: 16 dápterdi 4 bala nesheden bólip alady? (16: 4=4)
2 top: 12 qaryndashty 3 bala nesheden bólip alady? (12: 3=4)
3 top: 8 kámpıtti 2 bala nesheden bólip alady? (8: 2=4).

Muǵalim: Barlyǵynda tórt shyqty, bárekeldi! Endi búgingi sabaǵymyzdyń taqyrybyn dápterlerińe jazyp qoıyńdar. Sabaǵymyzdyń taqyryby «4 - ke kóbeıtý jáne bólý».
Dápterge jazý. Problemalyq suraq:
- Kóbeıtý kestesin ne úshin qoldanamyz?
- Kóp tańbaly sandardy tez esepteý úshin, esepterdi jeńildetý úshin.
- Durys aıtasyńdar. Endi sender til sabaqtarynan, tárbıe jumystarynan, salt - dástúrge baılanysty 4 - ke qatysty qandaı uǵymdardy bilesińder?
- Dúnıemiz 4 buryshty: ońtústik, soltústik, shyǵys, batys.
- 4 mezgil,(qys, kóktem, jaz, kúz)
- 4 túlik mal
- Endeshe 4 – ke kóbeıtý, bólý kestesin quraıyq.
№1
4*4=4+4+4+4=
4*5=4+4+4+4+4=
4*6=4+4+4+4+4+4=
4*5=4*4+4=
4*6=4*5+4=
- Kóbeıtý kestesin qurdyq, endi ony tez este saqtaý joldaryn oılastyraıyq.
№2
4*4= -------------- 5*4=4*5 ---------------- 5*4=
4*5= -------------- 6*4=4*6 ---------------- 6*4=
4*6= -------------- 7*4=4*7 ---------------- 7*4=
- Árbir kóbeıtindi alǵashqy kóbeıtindiden 4 – ke artyp otyrady. Mysaly: 16, 20, 24, 28, 32, 36, 40.
№3 Kóbeıtindige keri amal bólý. Kóbeıtindi arqyly bólý kestesin qurý. 16: 4=4, 20: 4=5, 24: 4=6 t. s. s.
Kóbeıtindige keri amal bólý. Kóbeıtindi arqyly bólý kestesin qurý.
16: 4=4 4*4=16

Sergitý sáti:
Erkin usta deneńdi,
Tarsyldatpaı edendi,
Ornymyzdan turyp ap,
Júgireıik bir ýaq.
1, 2, 3 biz esepke saldyq kúsh,
«Artyq» dese qosamyz
«Kem» dese alamyz,
«Ese artyq» dese kóbeıtemiz.
«Ese kem» dese bólemiz.
Bir, eki úsh.

№4. Aýyzsha esepteýler. 3 topqa bólip berý.
№5. Bos orynǵa tıisti sandy qoı.
№6. Tez esepte
№7. Esepti oqy: sheshýin jaýabyn jaz.
№9, 10
1 - top. 1) Qabyrǵasynyń uzyndyǵy 4 sm - ge teń sharshynyń perımetrin tap.
2 - top. 2) Perımetri 24 sm; 32sm; 28sm - ge teń sharshynyń qabyrǵasynyń uzyndyǵyn tap.
3 - top. Eki qabyrǵasy ózara teń úshburyshtyń perımetri 22sm. úshinshi qabyrǵasynyń 6sm. Úshburyshtyń ózara teń qabyrǵalarynyń uzyndyǵyn tap.
№11 Ózindik jumys. «Meńgere bil»

İV. Jańa bilimdi meńgerýin bekitý.- Balalar barlyǵyń kóbeıtý men bólýdi meńgerseńder eki nemese úsh mysalmen ózderińdi tekserip kórińder.
«Bilgenge marjan» Jazylǵan sandardyń ishinen 4 - tiń kóbeıtý kestesinde kezdesetin sandardy terip jazyp ony mysaldarmen dáleldeńder.
1 - top: 15, 16, 74. 36, 86, 18:
2 - top: 21, 17, 24, 41, 32, 27:
3 - top: 14, 20, 37, 41, 28, 92:

Qorytyndylaý
Búgingi sabaqta ne úırendik? Ne týraly bildik?
Baǵalaý.