UBT-dan 50 bal jınaý İİM joǵary oqý oryndaryna túsý úshin tek konkýrsqa qatysýǵa múmkindik beredi, biraq oqýǵa qabyldanýǵa kepildik bermeıdi. Talapkerler irikteýdiń qosymsha kezeńderinen ótýi tıis, dep habarlaıdy infohub.kz saıty.
Polisia.kz-te túsindirgendeı, UBT nátıjesi boıynsha 50 bal İİM joǵary oqý oryndaryna túsý konkýrsyna qatysý úshin eń tómengi shekti kórsetkish bolyp tabylady. Alaıda oqýǵa qabyldaný úshin bul nátıjeniń ózi jetkiliksiz.
«QR İİM jańalyqtary» Telegram-arnasynda kandıdattar birden birneshe baǵyt boıynsha baǵalanatyny habarlandy.
«İİM oqý oryndaryna túsý konkýrstyq negizde júzege asyrylady. Bul rette UBT nátıjelerimen qatar medısınalyq, fızıologıalyq jáne psıhofızıologıalyq irikteý nátıjeleri de eskeriledi», — delingen polısıa habarlamasynda.
Osydan keıin talapker barlyq qarastyrylǵan kezeńderden ótýi qajet. Túpkilikti sheshim konkýrs nátıjeleri men jınalǵan bal sanyna baılanysty.
«Osylaısha, İİM oqý ornyna túskisi keletin talapker úshin maqsat tek 50 bal jınaý ǵana emes, sonymen qatar UBT-da múmkindiginshe joǵary nátıje kórsetý jáne belgilengen irikteý talaptaryna sáıkes kelý bolyp tabylady», — dep qorytyndylady İİM.