Biryńǵaı jınaqtaýshy zeınetaqy qorynda (BJZQ) shilde aıynyń basynda qaıtys bolǵan qazaqstandyqtardyń talap etilmegen zeınetaqy jınaqtary shamamen 63 mıllıard teńgeni qurady. Bul qarajat 290 myńnan astam adamnyń shotynda qalyp otyr, onyń 170 myńǵa jýyǵy on jyldan astam ýaqyt boıy talap etilmegen, dep habarlaıdy infohub.kz.
Qorda atap ótkendeı, mundaı shottaǵy ortasha soma shamamen 216 myń teńgeni quraıdy, al medıanalyq soma nebári 35 myń teńge. Zańgerlerdiń túsindirýinshe, murany qabyldaý — bul quqyq, mindet emes. Sondyqtan, eger qaıtys bolǵan adamnyń az ǵana jınaǵymen birge muragerge úlken qaryzdar aýyssa, adamdar kóbinese múlikten bas tartady.
Advokat Sergeı Ýtkın túsindiredi: «Mine, myna 30-50 myń teńge, múmkin, bar shyǵar, biraq adamdar bilmeıdi. Múmkin, osy úshin notarıýsqa ótinish berip, bárin rásimdeý kerek shyǵar, biraq ýaqytynda bermegen, 6 aı ótip ketken. Endi notarıýs muny rásimdeýden bas tartady. Sotqa baryńyz deıdi. Al olar oılaıdy: 30-50 myń teńge úshin sotqa júginip, odan da kóp shyǵyndanamyz ǵoı».
Sonymen qatar, BJZQ qaıtys bolǵan salymshynyń týystaryna zeınetaqy jınaqtarynyń bar ekendigi týraly ózdiginen habarlamaıdy. Mundaı mindet zańmen qorǵa júktelmegen, alaıda sarapshylar onyń bolýy kerek dep esepteıdi. Ekonomıs Marat Abdrahmanov: «Zeınetaqymen qamsyzdandyrý týraly zańǵa ózgerister engizý qajet, oǵan sáıkes adam qaıtys bolǵan jaǵdaıda bul júıe ESQ júıesi arqyly tirkelýi tıis. Al muragerge onyń mura qaldyrýshysynyń zeınetaqy jınaqtary týraly habarlama kelýi kerek», — deıdi.
Qaıtys bolǵan týysynyń zeınetaqy jınaǵyn alý úshin murager alty aı ishinde notarıýsqa júginip, mura isin ashýy qajet. Notarıýs BJZQ-daǵy qarajattyń bar-joǵyn tekseredi jáne muragerler sheńberin anyqtaıdy. Osydan keıin muraǵa quqyq týraly kýálik beriledi, onymen tólem alýǵa júginýge bolady. Alaıda alty aılyq merzim murany qabyldaýǵa qatysty, aqshany keıinirek alýǵa bolady, biraq sot arqyly.