Abaı oblysynda mal urlyǵyna qatysy bar dep aıyptalǵan 11 adam birden sot aldyna keldi, dep habarlaıdy infohub.kz saıty.
NUR.KZ-tiń Bas prokýratýraǵa silteme jasap habarlaýynsha, bul týraly aqparat vedomstvonyń resmı Telegram-arnasynda jarıalandy. Besqaraǵaı aýdanynyń prokýratýrasy mal urlyǵyna qarsy turý jáne osyndaı qylmystardyń aldyn alý boıynsha keshendi sharalar qoldanyp jatyr.
«Júrgizilgen tergeý-jedel is-sharalarynyń nátıjesinde aýdandaǵy bir sharýa qojalyǵynan usaq maldy birneshe ret urlaýǵa qatysy bar adamdar tobynyń qylmystyq áreketi toqtatyldy. 11 adamnyń birqatar urlyq jasaýǵa qatysy bar ekeni anyqtaldy. Olar barlyǵy 36 bas usaq mal urlaǵan, sonymen qatar taǵy 14 bas maldy urlaýǵa áreket jasaǵan», — dedi Bas prokýratýrada.
Tergeý aıaqtalǵan soń qylmystyq is sotqa jiberildi. Sot qaraýy barysynda memlekettik aıyptaýshy sottalýshylardyń taǵylǵan qylmystardy jasaǵanyn rastaıtyn dálelderdi usyndy.
Sot úkimimen 11 sottalýshynyń barlyǵy kináli dep tanylyp, ártúrli merzimge bas bostandyǵynan aıyryldy. Qazirgi tańda sot úkimi zańdy kúshine engen joq.