Qazaqstanda erekshe statısıka jarıalandy: uly aqyn Abaıdyń esimin 19 myńǵa jýyq adam ıelengen, onyń ishinde áıelder de bar. Bul týraly infohub.kz saıty habarlaıdy.
Ulttyq statısıka búrosynyń derekterine súıensek, 18 961 qazaqstandyq Abaı atymen atalǵan. Bul esimniń ıeleri eń kóp Astanada — 2 186 adam, Túrkistan oblysynda — 2 008 adam, Almatyda — 1 740 adam tirkelgen.
Abaı esimdi eń jasy úlken qazaqstandyq 1932 jyly dúnıege kelgen. Eń kóp taralǵan jas toby — 30-34 jas, olardyń sany 3 267 adamdy quraıdy.
Vedomstvonyń málimetinshe, Abaı esimi búgingi kúni de tanymaldyǵyn joǵaltpaǵan. Tek bıylǵy jyldyń birinshi jartyjyldyǵynda bul esim 91 nárestege qoıylǵan. Dástúrli túrde erler esimi sanalǵanymen, Qazaqstanda Abaı esimdi 9 áıel tirkelgen.
Sonymen qatar, elimizde Ibrahım esimdi 37 844 adam turady, onyń ishinde Ibragım jáne Ibrahım degen jazylý nusqalary da bar.
Aqynnyń esimi el kartasynda da keńinen kórinis tapqan. Abaı qurmetine bir oblys, bir qala, úsh aýdan jáne 26 aýyl atalǵan.
Buǵan deıin Aqorda Memleket basshysy Qasym-Jomart Toqaevtyń uly aqynnyń týǵan kúni — 10 tamyzda atap ótiletin Abaı kúnimen quttyqtaýyn jarıalaǵan bolatyn.