Abaı oblysynda 20 jastaǵy Dılnaz Jumaǵulovany qatygezdikpen óltirý isi boıynsha sot prosesi bastaldy. Sottalýshylar qatarynda — marqumnyń burynǵy jigiti, dep habarlaıdy infohub.kz saıty.
KTK telearnasynyń dereginshe, qylmys 13 shildede Borodýlıha aýylynda jasalǵan. Qyzdyń pyshaq jaraqatymen qaza tapqan denesin jol boıynan jergilikti turǵyn taýyp alǵan. Tergeý nusqasy boıynsha, marqum men onyń burynǵy jigiti arasynda janjal bolǵan. Aıyptaý tarapy onyń qyzdy artqy qaltasynda alyp júrgen qalta pyshaǵymen soıyp tastaǵanyn alǵa tartyp otyr.
«Biz bul bapty ádiletsiz dep sanaımyz. Ókinishke qaraı, bizdiń jalǵyz balamyzǵa qatysty erekshe qatygezdik bolmaǵan dep esepteldi. Adam qan sýytpaı pyshaq jaraqatyn saldy, bas mıyna aýyr jaraqat keltirdi, jol ortasyna tastap, úıine baryp uıyqtady. Tergeý organdary ony jyly tósekten tapty», — dedi marqumnyń anasy Dınara Ataeva.
Sot barysynda prokýror 10 mınýt boıy jaraqattardyń egjeı-tegjeıin oqyp shyqty. Onyń sózinen shyǵatyny, alǵashqy shapalaqty jigitke Dılnazdyń ózi salǵan. Ol da solaı jaýap qaıtaryp, sodan keıin pyshaqqa júgingen. Alǵashqy soqqy moıynǵa tıgen.
«Qyz aıqaılap, kómekke shaqyrady dep qoryqqan sottalýshy onyń basyna eki ret soqqy jasady. Bálkim, pyshaqtyń sabymen. Al Dılnaz jerge qulaǵanda, pyshaqpen soǵýdy jalǵastyrdy. Sodan keıin máıitten qutylmaq bolyp, ony uzaq súıredi. Sosyn sharshap, jol ortasyna tastap ketti», — delingen sújette.
Prokýror Evgenı Kraýze 1-den 16-ǵa deıingi jaraqattar keminde 12 ret ótkir-kesetin qasıeti bar qatty zattarmen jasalǵan soqqydan paıda bolǵanyn málimdedi. Er adam «Kisi óltirý» baby boıynsha sottalýda.
Sottalýshy tarapy men prokýror zalda baspasózdiń bolýyn shekteýdi talap etti, sebebi qandaı da bir ıntımdik málimetter aıtylýy múmkin dep qoryqqan. Alaıda marqumnyń týystary buǵan kelispeı, BAQ-tyń barlyq sot otyrystaryna qatysýyna ruqsat berýdi surady. Nátıjesinde tek prokýrordyń sózin jazýǵa ruqsat etildi, al kelesi joly úkim jarıalanǵanda ǵana qatysýǵa bolady.
Buǵan deıin biz marqumnyń otbasy bapty «Erekshe qatygezdikpen jasalǵan kisi óltirýge» ózgertýdi suraǵanyn jazǵanbyz. Polısıa otbasy jaqyn arada tergeý nátıjelerimen tanysatynyn ýáde etken.