San-Fransıskoda (AQSh) rıngte adam men mashına kezdesti: amerıkandyq bloger Frenkı LaPenna EngineAI T800 androıdyna qarsy shyqty. Jekpe-jek ádette robottar arasyndaǵy shaıqastardy uıymdastyratyn REK shoýy aıasynda ótti, dep habarlaıdy infohub.kz saıty.
Alǵashynda LaPenna robotty birneshe ret uryp, tipti shegindire de aldy. Alaıda keıin T800 shabýylǵa kóship, aıaǵymen birneshe qýatty soqqy jasady. Solardyń birinen keıin bloger edenge qulap, jekpe-jekti jalǵastyra almady.
Temir jaýyngerdi syrtqy túri jaǵynan «Termınatordaǵy» T-800-ge uqsatyp, oǵan qorqynyshty qyzyl jarqyraǵan kózder qosqan. Jekpe-jek vıdeosy áleýmettik jelilerde tez tarady: Instagram-da rolık shamamen 2,8 mln laık jáne 61,8 myń pikir jınady.
Jekpe-jek vıdeosy qyzý reaksıa týdyrdy. Paıdalanýshylar mashınalardyń kóterilisi týraly ázildesip, sonymen qatar bul kórinis sál úreıli kórinetinin aıtty.
«Bul vıdeo tarıhqa betburys sát retinde enetin sıaqty», «Munyń bári nege nashar ıdeıa ekenin túsindiretin alty fılm bolmady ma?», «Biz qorqatyn nársemizdi týra ózimiz jasap jatyrmyz», «Olardy judyryqtasýǵa úıretpeńder…», «Mine, osylaı bastalady», «Biz muny nege qalypty dep sanaımyz?», – dep jazady komentatorlar.
Baqytymyzǵa oraı, mashınalar kóterilisi áli alys sıaqty. Jekpe-jek kezinde robotty VR kómegimen operator basqardy, sondyqtan T800 qaıda soqqy jasaýdy ózi sheshpedi. Degenmen qalaı bolǵanda da rıngke mashına shyǵyp, adamdy nokaýtqa túsirdi. Demek, endi robottar adamdardan tek jumysty tartyp qana qoımaıtyn boldy.
Buǵan deıin Kursiv LifeStyle Qytaıdyń Shyńjań aımaǵynda II-anımatordyń týrısik alańdardyń birindegi óner kórsetý kezinde balany urǵanyn jazǵan. Oqıǵa vıdeoǵa túsip, áleýmettik jelilerde tez tarady. Kadrlarda robottyń karate tásilderin kórsetý barysynda balany aıaǵymen tepkeni kórinedi. Soqqydan keıin bala ishin ustap, aýyrsynýdan otyra qalyp, jylaıdy.