Sabaqtyń taqyryby: Adamnyń dene músheleri
Sabaq maqsattary: Barlyq oqýshylar oryndaı alady: Adam denesiniń negizgi bólikterin jáne olardyń qyzmetterin ataıdy, ajyratady, kórsetedi, qorshaǵan álem qubylystaryn ataıdy.
Oqýshylardyń kópshiligi oryndaı alady: Adam denesiniń negizgi bólikterin jáne olardyń qyzmetterin ataıdy, ajyratady, sáıkestendiredi, kórsetedi, qorshaǵan álem qubylystaryna baqylaý júrgizedi.
Keıbir oqýshylar oryndaı alady: Adam denesiniń negizgi bólikterin jáne olardyń qyzmetterin ataıdy, ajyratady, túsindiredi, kórsetedi, sáıkestendiredi, dáleldeıdi, qorshaǵan álem qubylystaryna baqylaý júrgizedi, zertteıdi.
Baǵalaý krıterıleri Adam denesiniń negizgi múshelerin ataıdy.
Adam denesiniń negizgi músheleriniń qyzmetin sıpattaıdy.
Tildik maqsat Adamnyń dene músheleri
Bas (kóz, muryn, qulaq, aýyz), moıyn, ıyq, dene, qol, saýsaqtar, aıaq
Qundylyqtardy darytý Yntymaqtastyq
Eńbek jáne shyǵarmashylyq
Qurmet
Adamgershilik
Densaýlyq jáne tehnıka qaýipsizdiginiń saqtalýy - Dene músheleriniń symbatty bolýyna yqpal etý.
Partada durys otyrý;
- Oqý quraldaryn qoldanýdaǵy qaýipsizdik erejesi
Pánaralyq baılanystar: kórkem eńbek, mýzyka, matematıka, dene shynyqtyrý, aǵylshyn
AKT qoldaný daǵdysy: Slaıd, beınerolık
Aldyńǵy meńgerilgen bilim: Adamnyń dene múshelerin ataıdy, biledi.

Sabaqtyń basy 5 mınýt
Amandasý
Shattyq sheńberi
Dene múshelerimen amandasý (kózben, qol alysyp, qulaqpen, aıaqpen amandasý)
(MK) Oqýshylarǵa jattyǵý jasatýdyń aldynda bir staqan sýdy kishkene mólshermen urttap ishkizemin. Oqýshylarǵa mynadaı qımyldardy oryndatamyn:
1. Oń qoldy sol aıaqqa tıgizedi.
2. Sol qoldy oń aıaqqa tıgizedi.
3. Qoldyń saýsaqtaryn aıqastyrady.
4. Aıaqtaryn aıqastyrady.
5. Kózben sheńber syzady.
Oqýshylar oryndaryna otyrady.
- Jaraısyńdar! Óte jaqsy kórsettińder.
Jattyǵý jasaǵan kezde biz:
- kózimizben kórdik
- qulaǵymyzben estidik
- qoldarymyzdy, aıaqtarymyzdy qımyldattyq.
- Búgin biz sabaqta adamnyń dene múshelerimen jáne olardyń qyzmetimen tanysamyz.
(U) «Sıqyrly qapshyq»
Qapshyqqa salynǵan sany birdeı qyzyl, sary, jasyl sharıkter tańdap alýdy usynamyn.
Osy túster boıynsha oqýshylardy 3 topqa bólemin:
1 - top: «Mergender» (qyzyl tústi)
2 - top: « Eptiler» (sary tústi)
3 - top: « Júırikter» (jasyl tústi)
Sabaq ortasy
Oqýlyqpen jumys.
(U) «Dopty qaǵyp al» tásili boıynsha synypqa suraqtar qoıamyn.
- Neshe qolyń bar? (Eki qolym bar)
- Neshe aıaǵyń bar? (Eki aıaǵym bar)
- Muryn ne úshin kerek? (Muryn tynys alý úshin kerek)
- Saýsaqtaryń nesheý? (On saýsaǵym bar)
- Bashpaılaryń nesheý? (On bashpaıym bar)
- Qol ne úshin kerek? (Qol zattardy ustaý úshin, jumys jasaý úshin kerek)
- Aıaq ne úshin kerek? (Aıaq júrý úshin kerek)
(MK. U)
Interaktıvti taqtadan adam sulbasyn kórsetemin. Oqýshylar adamnyń dene múshelerin atap shyǵady.

Batys Qazaqstan oblysy,
Zelenov aýdany, Jańatań aýyly,
Jańatań jalpy bilim beretin bastaýysh mektebiniń
bastaýysh synyp muǵalimi Kakımova Nazerke Jýmatovna
Adamnyń dene músheleri. júkteý