Mańǵystaý oblysy, Beıneý aýdany,
"Abaı atyndaǵy orta mektebi" MM
Geografıa pániniń muǵalimi Spanova Marjan

Ádeptilik – tárbıe bastaýy
Maqsaty: ádeptilik týraly uǵym qalyptastyrý, ádeptilik, ınabattylyq jaıynda oqýshylardyń oıyn damytý, qoǵamdyq ortada ózin - ózi ustaı bilýge, izgilikke, mádenıettilikke, úlkendi syılaýǵa, kishige úlgi bola bilýge tárbıeleý.
Kórnekiligi: synypty bezendirý, ádeptilik týraly jazylǵan qanatty sózder, ınterbelsendi taqta.
1. Ata - baba dástúri - ádeptilik negizi;
2. Ádepti eldiń balasy - alystan sálem beredi;
3. Ádepsiz ósken baladan,
Tártippen ósken tal jaqsy.
4. Tárbıesiz bala bilim uǵar ma,
Olaı bolsa ýysyńnan shyǵarma
Qatty tártip kórse bala túbinde,
Ónerimen qýantady túbinde.
5. Ádeptilik ar - uıat
Turpaıy minez, taǵy jat.
6. Tatýlyq tabylmas baılyq.
7. Ádepti bala - arly bala
Ádepsiz bala - sorly bala.
8. Jamanǵa aıtqan aqylyń
Dalaǵa atqan oqpen teń.
Ánuran aıtý.

1 - júrgizýshi: Qaıyrly kún, qurmetti ustazdar! Búgingi bizdiń "Ádeptilik - tárbıe bastaýy" atty tárbıelik sharamyzǵa qosh keldińizder!
2 - júrgizýshi: Balalar búgingi bizdiń tárbıe saǵatymyz taqyrybynan kórip otyrǵanymyzdaı ádeptilik, mádenıettilik, izgilik jaıynda bolmaq. Ádepti bolý degen sózdiń maǵynasy óte keń. Olaı deıtinimiz: adamnyń jasaǵan árbir is - qımyly, júris - turysy, sóıleý máneri, ózin - ózi ustaı bilýi, mádenıettiligi jaıly syr syr shertip turady.
1 - júrgizýshi: Dostarym, adam boıynda jaqsy - jaman qasıetter bolady eken. Bizge aqyldylyqty, adaldyqty, qarapaıymdylyqty, kishipeıildilikti, ınabattylyqty, shynshyldyqty úlkender úıretedi. Bizdiń ata - anamyz aq sútin bere otyryp, ana tilimen úıretedi. Biz osyny túsinip, ata - baba salt - dástúrin úırenemiz.
2 - júrgizýshi: Adam bolatyn bala barlyq jaqsy qasıetterdi úırenip, jaman minez, ádetterden, unamsyz qylyqtardan aýlaq bolýymyz kerek.

1 - júrgizýshi: Atam meniń ámanda
"Ádepti jan bol" degen
Ata sózi sanamda
Jasy úlkenge jol berem
Aldyn orap kisiniń
Kesip ótpeı kóldeneń
İzetimen kishiniń
Sálemdesip qol berem.

2 - júrgizýshi: Balalar, sender sálemdesý túrlerin bilesińder me?
Aqjol: Qazaq tárbıeni amandasýdan, esen - saý suraýdan bastaǵan. Keıbir egde adamdar "Assalaýmaǵaleıkým" degennen - aq kim ekenińdi bildim dep jatady.
Bekzat: Birinshiden, sálem bergen kisiniń daýsynyń shyǵýyn, sálem berý yrǵaǵyn baıqaıdy. Ekinshiden, sálem bergende ózińdi qalaı ustaısyń, Qalaı turasyń? Úlkender osynyń bárine de nazar aýdarady, synaıdy.
Danıar: Úlkenniń aldyndaǵy sálemiń, basshymen amandasý, qol qysysyń da birtalaı nárseni ańǵartady: egde kisiniń ne jas balanyń qolyn qattyraq qysyp jiberseń, dórekiligiń birden kórinedi.
Maıra: Siz amandasyp bolǵansha, sálem alýshy ústi basyńyzǵa qarap ta úlgeredi, kıimińizdiń ózińizdiń jas mólsherińizge jarasymdy, jarasymsyz ekeninde baıqaıdy. Olardyń barlyǵynda oı eleginen ótkizip, sen týraly oı túıedi.
Qaraqat: Jalpy sálemdesý mádenıettiń syrt kórinisi bolyp kóringenimen, adamnyń ishki mádenıetin de biraz ózgertip tastaıdy. "Sálemińnen jańylma", " Sálemiń durys bolsyn" degen talaptyń ózi - aq sálemdesý mádenıettiń adamgershiliktiń belgisi ekendigin anyqtap turǵandaı.
2 - júrgizýshi: Qazaqta ádepti eldiń balasy alystan sálem beredi, degen ataly sóz bar, óıtkeni sálemdesý - kisiliktiń belgisi. Sálemdesý, amandasý adamnyń bir - birinen izet, syı - qurmetin kórsetedi.

1 - júrgizýshi: Adam balasynyń rýhanı tarıhynda qoly jetken zor ıgiligi - sálemdesý.
2 - júrgizýshi: Ádep, adamshylyq amandasýdan bastalady. Aq saqaldy atany, aq jaýlyqty ájeni qurmetteý, jalpy ózińnen úlkenge sálem berý, aldynan kesip ótpeý jas urpaqtyń qasterli paryzy ekenin este saqtaýymyz kerek.

Tolyq nusqasyn júkteý