Ylǵaldylyǵy nebári 15% qurǵaq aýadan sý alýǵa qabiletti aǵash negizindegi ınovasıalyq gýbkany zertteýshiler jasap shyqty, dep jazady The Times of India. Ǵalymdar toby atmosferalyq aýadan aýyz sý alýǵa arnalǵan tıimdi ári ekologıalyq taza qurylǵy jasady, dep habarlaıdy infohub.kz saıty.
Ázirlemeniń negizine keýekti qurylymdy arnaıy óńdelgen aǵash alyndy. Tabıǵı materıal gıgroskopıalyq tuzdarmen modıfıkasıalanyp, onyń qorshaǵan ortadan ylǵal sińirý qabileti aıtarlyqtaı artty.
Jańa ónertabystyń basty ereksheligi — tipti asa qurǵaq jaǵdaıda da joǵary ónimdilik. Gýbka aýanyń salystyrmaly ylǵaldylyǵy 15%-dan bastap kondensatty tıimdi jınaı alady. Jarıalanǵan synaq nátıjelerine sáıkes, osyndaı materıaldyń bir kılogramy táýligine 1,72 lıtrge deıin taza aýyz sý óndirýge múmkindik beredi, bul tehnologıany qurǵaq aımaqtar úshin taptyrmas etedi.
Jınalǵan ylǵaldy bosatý prosesi kóp energıa shyǵynyn qajet etpeıdi. Jınaqtalǵan sýdy alý úshin gýbkany tabıǵı kún sáýlesimen jylytý jetkilikti. Joba avtorlary qoljetimdi jańartylatyn materıaldardy paıdalaný tehnologıany óndiriste arzan etip, aýyz sý resýrstary tapshy aımaqtarda qoldanýǵa keń perspektıvalar ashatynyn atap ótti.