Japonıada ótip jatqan 2026 jylǵy jazǵy Azıa oıyndarynyń alǵashqy jarys kúninde Qazaqstannyń júzý quramasy júldesiz qaldy. Fınalǵa joldama alǵan jalǵyz otandyq sportshy — Aıbat Myrzamuratov, dep habarlaıdy infohub.kz saıty.
Ol 200 metrge keshendi júzýden synǵa tústi. Sheshýshi júzýde qazaqstandyq 2:00,37 ýaqytyn kórsetip, jetinshi bolyp márege jetti.
Altyn medaldi japondyq Tomoıýkı Masýsıta 1:55,30 ýaqytymen jeńip aldy. Onyń otandasy Iýmekı Kodzıma nebári 0,06 sekýndqa qalyp, 1:55,36 nátıjesimen ekinshi orynǵa turaqtady. Qola medal qytaılyq júzgish Van Shýnge buıyrdy – 1:57,14.
Qazaqstannyń qalǵan ókilderi irikteý kezeńinde-aq kúresti toqtatty. 100 metrge erkin júzýde Maksım Klımenko 13-nátıje kórsetse, Adılbek Mýsın 16-orynǵa turaqtady. Aleksandr Rýmynskı 100 metrge shalqalaı júzýdiń irikteýinde 17-bolyp, fınalǵa shyǵa almady.
Eske salaıyq, Japonıadaǵy XX jazǵy Azıa oıyndary 19 qyrkúıekte resmı túrde ashyldy. 45 eldiń sportshylary qatysatyn keshendi jarystarda 460 medal jıyntyǵy sarapqa salynady: 217-si – erler arasynda, 204-i – áıelder arasynda jáne 39-y – aralas razrádtarda. Týrnırler 41 sport túriniń 68 dısıplınasynda ótedi. Azıada-2026-da Qazaqstan quramasynyń sapynda 559 sportshy synǵa túsedi.