Japonıa qabyldap jatqan 2026 jylǵy jazǵy Azıa oıyndarynda Qazaqstan ulttyq quramasynyń boks kapıtany Aıbek Oralbaı jeńimpaz atandy, dep habarlaıdy infohub.kz saıty.
90 keliden joǵary salmaq dárejesindegi sheshýshi jekpe-jekte qazaqstandyq rıngke Ózbekstan ókili Jahongır Zokırovqa qarsy shyqty. Oralbaı tóreshilerdiń biraýyzdan bergen sheshimimen jeńiske jetip, ulttyq quramaǵa altyn medal syılady.
Bul júlde Oralbaı úshin halyqaralyq arenadaǵy kezekti iri jetistik boldy. Ol — 2022 jylǵy Azıa chempıony, birneshe ret eliniń namysyn iri halyqaralyq dodalarda qorǵap, Parıjde ótken 2024 jylǵy Olımpıada oıyndaryna da qatysqan.
Oralbaıdyń altyny aǵymdaǵy Azıa oıyndarynda Qazaqstan quramasynyń bokstan ekinshi altyny boldy. Buǵan deıin Azıada-2026 chempıony atanǵan Tórehan Sabyrhan edi. Osylaısha, qazaqstandyq boksshylar ulttyq quramanyń medal qorjynyn birden eki joǵary dárejeli júldemen tolyqtyrdy.