Aktrısa ári ánshi Aıgúl Imanbaeva áleýmettik jelide ómirlik baqylaýlarymen bólisti, dep habarlaıdy infohub.kz saıty.
Ártis ómirdegi bes nársege nazar aýdarýǵa shaqyrdy, sondaı-aq adamdy minsiz dep sanap, odan kóp nárse kútýge bolmaıtynyn atap ótti.
«Osy jasyma deıin myna bir dúnıelerdi myqtap túıdim. Birinshisi, adamdy ǵaıbattamaý, óıtkeni karma ózińe keledi. Ekinshisi, sizden aqyl suramady ma, aıtpaý kerek. Úshinshisi, sizden kómek suramasa, kómektespeý, keıde adamdar óz sabaǵyn ózi ótýi tıis. Tórtinshisi, adamnan eshteńe kútpeý, kútý bolmaǵan jerde renish te bolmaıdy. Besinshisi, Jaratqannan artyq eshkimdi jaqsy kórmeý. Júrektiń tórin tek Soǵan arnaý. İshki dúnıeni osylaı artyq oılardan, ókpe-renishten tazartqan kezde, syrtqy kelbettiń de sondaı taza, jeńil ári úılesimdi bolǵanyn qalaısyń», — deıdi aktrısa.
Jeli qoldanýshylary aktrısaǵa qoldaý bildirip, ómirlik qundy keńes úshin alǵys aıtty.
«Durys aıtasyz! Mende bul nárselerdi 17 jasymnan bastap túsinip kele jatyrmyn! Biraq suramasa da aqylymdy-keńesimdi aıtamyn. Janym ashıdy. Kómek kórsettim dep mindetsimeımin sosyn», «Keremet jansyz», "Óte durys", «Kóp raqmet», "Keremet aıttyńyz", dep jazdy jeli qoldanýshylary.
Saraptama, zertteý maqala, kúndelikti ózekti aqparatty «Aıqynnyń» TELEGRAM arnasynan tabasyz.