Air Astana áýekompanıasy Qazaqstan men Japonıa arasyndaǵy jańa baǵytty ashady: Almatydan Tokıoǵa alǵashqy tikeleı reıs 2026 jylǵy 30 qarashaǵa, al Tokıodan keri reıs 2026 jylǵy 1 jeltoqsanǵa josparlanǵan, dep habarlaıdy infohub.kz saıty.
Ushýlar aptasyna eki ret Tokıonyń halyqaralyq áýejaıyna (Narıta) bıznes jáne ekonom klass salondarymen jabdyqtalǵan Airbus A321LR ushaqtarymen oryndalady.
Áýekompanıanyń habarlaýynsha, reıster kestesi (jergilikti ýaqyt boıynsha, úkimet maquldaǵan jaǵdaıda) bylaısha kórinedi. KC171 Almaty–Tokıo reısi dúısenbi jáne beısenbi kúnderi oryndalady: Almatydan 21:55-te ushyp, Tokıoǵa kelesi kúni 09:25-te qonady. KC172 Tokıo–Almaty reısi seısenbi jáne juma kúnderi oryndalady: Tokıodan 10:55-te ushyp, Almatyǵa 16:20-da qonady.
Almatydan Tokıoǵa ushý uzaqtyǵy 7 saǵat 30 mınýt, keri baǵytta — 9 saǵat 25 mınýt.
Aıta keteıik, ekonom-klassta eki jaqqa bılettiń eń tómen baǵasy (barlyq alymdarmen) 350 552 teńgeden, bıznes-klassta — 1 398 918 teńgeden bastalady.
Aıtpaqshy, Japonıa azamattary Qazaqstanǵa 30 kúnge deıin vızasyz kire alady. Al Qazaqstan azamattaryna Japonıaǵa barý úshin vıza qajet.