Qazaqstandyq Air Astana áýekompanıasy elordany Bangkokpen jalǵaıtyn jańa baǵyt ashty. Astana — Bangkok — Astana baǵytyndaǵy ushýlar 2026 jylǵy 11 jeltoqsanda bastalyp, aptasyna eki ret — seısenbi jáne juma kúnderi oryndalady, dep habarlaıdy infohub.kz saıty.
Reısterdi Airbus A321LR ushaǵy oryndaıdy. Astanadan Bangkokqa ushý ýaqyty — 7 saǵat 50 mınýt, keri baǵytta — 8 saǵat 25 mınýt.
Ekonomklastaǵy baryp-qaıtý bıletiniń eń tómen baǵasy 244 616 teńgeden, bıznes-klasta — 969 496 teńgeden bastalady.
Kólik mınıstrliginiń naqtylaýynsha, jańa baǵyt iske qosylǵan soń Qazaqstan men Taıland arasyndaǵy reısterdiń jalpy sany tórt baǵyt boıynsha aptasyna 20-ǵa jetedi.
Qazirgi tańda áýekompanıalar myna baǵyttar boıynsha ushady: Almaty — Phýket — aptasyna jeti reıs (Air Astana); Almaty — Bangkok — aptasyna toǵyz reıs (altaýyn Air Astana, úsheýin Thai AirAsia X oryndaıdy); Shymkent — Bangkok — aptasyna eki reıs (SCAT).
Jańa baǵytqa bıletter Air Astana saıtynda, qosymshasynda, sondaı-aq akkredıttelgen týrısik agenttikterde qazirdiń ózinde qoljetimdi.
Buǵan deıin Kursiv LifeStyle Taıland astanasynda jańbyr maýsymyna baılanysty sý tasqyny bolyp, bılik Bangkoktyń barlyq 50 aýdanynda apat rejımin jarıalaǵanyn habarlaǵan edi.