Air Astana áýekompanıasynyń burynǵy basshysy Pıter Foster aıyna orta eseppen 57,6 mln teńge alǵan. Onyń bir jyldaǵy syıaqysy 700 mln teńgege jýyqtaǵan, dep habarlaıdy infohub.kz saıty.
Áýekompanıa atqarýshy organy múshesiniń 2025 jyldaǵy jıyntyq syıaqysy 691,4 mln teńgeni qurap, bul aldyńǵy jylmen salystyrǵanda 31,6%-ǵa artqan. Esepti kezeń boıy kompanıa basqarmasynda bir ǵana adam — bas atqarýshy dırektor Pıter Foster bolǵan.
Alaıda 2026 jyldyń 31 tamyzynan bastap basshylyq aýysty: Fosterdiń ornyna Ibrahım Janlyel keldi, ol basqarmanyń jalǵyz múshesi boldy.
Sonymen qatar, kompanıanyń qarjylyq nátıjeleri onsha optımısik emes: Air Astana-nyń 2025 jyldaǵy paıdasy 72,4%-ǵa tómendep, 7 mlrd teńgege jetken. Valútalyq ekvıvalentte bul kórsetkish $13,6 mln qurady, al bir jyl buryn $49,4 mln bolǵan. 2026 jyldyń birinshi jartyjyldyǵynda áýe tasymaldaýshy $21 mln kóleminde shyǵynǵa ushyraǵan.
Buǵan deıin Air Astana 2026 jyldyń birinshi jartyjyldyǵyn kiristiń ósýine qaramastan shyǵynmen aıaqtaǵany habarlanǵan. Sebep — otyn shyǵyndary.
Eske salaıyq, Air Astana aksıalarynyń 41%-y «Samuryq-Qazyna» qoryna tıesili, qalǵandary bırjada satylady nemese mınorıtarlyq aksıonerlerde.