Air Astana әуе компаниясы Қазақстан мен Оман Сұлтандығының танымал курорты — Салала қаласы арасында тікелей әуе қатынасын ашты. Рейстер екі қазақстандық қаладан орындалады, бұл туралы Азаматтық авиация комитеті хабарлады, деп жазады infohub.kz сайты.
Комитеттің Telegram-арнасында нақтылағандай, 24 қазанда Астана — Салала бағыты бойынша жаңа халықаралық рейс іске қосылды. Әуе кемесінің бортында 140 жолаушы болды, яғни ұшақ толығымен толы болды. Бұл бағыттағы рейстер Airbus A320 үлгісіндегі ұшақтармен орындалады.
Бір күн бұрын, 23 қазанда Алматыдан Салалаға алғашқы рейс жасалды — борт та толығымен толы болды.
«Қазіргі таңда Қазақстан мен Оман арасындағы әуе қатынасы Алматы — Маскат бағыты бойынша да SalamAir әуе компаниясымен жүзеге асырылуда. Осылайша, қазақстандық әуе тасымалдаушы өзінің халықаралық бағыттар желісін Оман Сұлтандығына екі жаңа бағытпен кеңейтті. Жаңа әуе бағыттарының ашылуы Қазақстан мен Оман арасындағы туристік, сауда-экономикалық және мәдени байланыстарды дамытуға, сондай-ақ азаматтардың саяхат жасау мүмкіндіктерін кеңейтуге ықпал етеді», — деп атап өтті Азаматтық авиация комитетінде.