Almaty qalalyq sotynyń qylmystyq ister jónindegi apelásıalyq alqasy «Eır Astana» AQ-da 1 mlrd teńgeden astam qarajatty jymqyrý jáne qylmystyq kiristerdi zańdastyrý isi boıynsha úkimdi ózgerissiz qaldyrdy. Bul týraly infohub.kz saıty habarlaıdy.
Sqemany uıymdastyrýshy 9 jylǵa bas bostandyǵynan aıyryldy, al onyń eki sybaılasy 8 jyl 6 aıǵa sottaldy. Sondaı-aq, barlyq sottalǵandarǵa múlik tárkileý jáne komersıalyq uıymdarda 5 jyl boıy laýazymdy qyzmet atqarýǵa tyıym salý jazasy taǵaıyndaldy.
Sot zardap shekken taraptyń 1 mlrd teńgeden astam somaǵa azamattyq talap-aryzyn qanaǵattandyrdy. Tárkilengen múlik keltirilgen zalaldy óteýge baǵyttalady.
Apelásıalyq saty qorǵaýshynyń dálelderin qarastyryp, úkimdi ózgerissiz qaldyryp, shaǵymdardy qanaǵattandyrýsyz qaldyrdy.