Tamyz aıynyń basynan bastap qytaılyq Air China áýekompanıasy Astana — Pekın baǵytyndaǵy reıster jıiligin aptasyna alty retke deıin arttyrdy, dep habarlaıdy infohub.kz saıty.
Astana halyqaralyq áýejaıynyń baspasóz qyzmetinde atap ótkendeı, endi úsh reıs tikeleı, al taǵy úsheýi Sıan qalasyna aralyq qoný arqyly oryndalady.
Qazaqstan astanasynan Pekınge tikeleı reıster seısenbi, beısenbi jáne senbi kúnderi qoljetimdi. Astana — Sıan — Pekın baǵyty boıynsha jolaýshylar dúısenbi, sársenbi jáne juma kúnderi usha alady.
Osynyń arqasynda saıahatshylardyń Qytaıǵa iskerlik jáne týrısik saparlardy josparlaý múmkindikteri keńeıdi. Áýejaıda reıster jıiliginiń artýy Qazaqstan men Qytaı arasyndaǵy áýe qatynasyn odan ári damytýǵa, sondaı-aq elder arasyndaǵy týrısik, ekonomıkalyq jáne iskerlik baılanystardy nyǵaıtýǵa yqpal etetinin atap ótti.
Air China — shtab-páteri Pekınde ornalasqan Qytaıdyń ulttyq áýe tasymaldaýshysy. Kompanıa Star Alliance halyqaralyq avıasıalyq alánsynyń múshesi bolyp tabylady, al onyń baǵyttar jelisi Qytaı, Azıa, Eýropa jáne álemniń basqa aımaqtaryndaǵy qalalardy qamtıdy. 2025 jyly Air China toby shamamen 160 mıllıon jolaýshyny tasymaldady.
Aldyńǵy kúni Pekınde Qazaqstan Kólik mınıstrliginiń Azamattyq avıasıa komıteti men Qytaı Azamattyq avıasıa ákimshiligi (CAAC) arasynda áýe tasymaly salasyndaǵy yntymaqtastyqty keńeıtý máseleleri boıynsha kelissózder ótti.