Qazaqstandyq bloger Aıjan Baızakova otbasyna qatysty jaǵymsyz oqıǵany málimdedi: belgisiz bireý ony jubaıynyń kózinshe qaralamaq bolǵan, dep habarlaıdy infohub.kz saıty.
Áleýmettik jelide Aıjan kúıeýi Nurbekke tanymaıtyn adamnan kelgen habarlamanyń skrınshotyn jarıalady. Habarlama mátininde: «Mende Aıjannyń opasyzdyǵynyń daýsyz dálelderi bar, qyzyqtyrsa, sóılese alamyz», — dep jazylǵan.
Blogerdiń aıtýynsha, beıtanys adam onyń opasyzdyǵyn rastaıtyn vıdeo ınternette taralmaýy úshin aqsha talap etken.
Aıjan aıyptaýdyń synǵa tótep bermeıtin sebepterin atap ótti. «Bir "biraq" bar — ol bizdi bilmeıdi. Biz bir-birimizge myń paıyz senemiz, bir-birimizge óte adal ári berilmiz. Ekinshiden, Astanada ondaı qonaqúı joq, aqparatty tekserý kerek. Úshinshiden, ol: "Muny ınternetke taratpaýym úshin aqsha jiberińder" deıdi. Biraq ol Aıjannyń "kreızı" ekenin, haıpty unatatynyn eskermedi. Biz saǵan taratsyn dep te aqsha tóler edik!» — dedi ol.
Keıinirek qaskóı bireýdiń tapsyrysymen áreket etkenin, al "áshkereleıtin" vıdeo arnaıy baǵdarlamalarmen jasalǵanyn moıyndady.
«Bireý bizdiń otbasymyzdy, qarym-qatynasymyzdy buzǵysy keledi», — dep qorytyndylady Aıjan.