Aqmola oblysynda patrúldik polısıa qyzmetkerleri 66 jastaǵy er adamdy toqtatty. Ol júrgizýshilik quqyǵynan aıyrylǵan bola tura, kólikti qaıtadan mas kúıinde basqarǵan, dep habarlaıdy infohub.kz saıty.
Oblystyq polısıa departamentiniń baspasóz qyzmeti málimdeýinshe, oqıǵa Aqkól aýdanynyń Keńes aýylynda patrúldeý barysynda bolǵan. Tártip saqshylary «VAZ-2106» kóligin toqtatqan, onyń rólinde mas ekeni anyq baıqalǵan er adam otyrǵan. Medısınalyq kýálandyrý аlkogóldiń ortasha dárejedegi mas kúıin rastady.
Tekserý kezinde bul azamattyń buǵan deıin de osyndaı quqyqbuzýshylyq úshin jaýapkershilikke tartylǵany belgili boldy — 2024 jyly. Sonda sot ony kólik quraldaryn basqarý quqyǵynan jeti jylǵa aıyrǵan.
«Qoldanystaǵy tyıymǵa qaramastan, er adam аlkogól ishken soń qaıtadan rólge otyrdy. Aıta keteıik, óz áreketine ol bylaısha syltaý tapty: polıseılerge aıaǵynyń aýyrǵanynan аlkogól ishýge májbúr bolǵanyn aıtty. Biraq aqmolalyq jol qozǵalysynyń basqa qatysýshylarynyń qaýipsizdigin oılamady», — dedi Aqmola oblysy polısıa departamentinde.
Osy derek boıynsha qylmystyq is qozǵaldy. Oqıǵanyń mán-jaıy anyqtalýda.