Aqmola oblysynyń turǵyny toqtatylǵan qonaqúı brondaýy úshin aqshany Saýda jáne tutynýshylar quqyǵyn qorǵaý departamentiniń kómegimen qaıtaryp aldy, dep habarlaıdy infohub.kz.
Vedomstvonyń resmı saıtynda habarlanǵandaı, departamentke oblys turǵyny qonaqúıdiń toqtatylǵan brondaý úshin aqshany qaıtarýdan bas tartqanyna shaǵymdanyp kelgen. Tutynýshynyń aıtýynsha, ol aldyn ala bólme brondap, 25 myń teńge mólsherinde turý qunyn tólegen. Alaıda jeke jaǵdaıyna baılanysty sapar bolmaı, brondaý kúshin joıǵan. Qonaqúı ákimshiligine ýaqytyly júgingenine qaramastan, aqshany qaıtarýdan bas tartylǵan.
Óz quqyǵyn qorǵaý úshin ótinish berýshi Aqmola oblysy boıynsha Saýda jáne tutynýshylar quqyǵyn qorǵaý departamentine júgingen. Mamandar ótinish mán-jaıyn zerttep, quqyqtyq kómek kórsetip, daýdy sotqa deıingi tártippen sheshýge yqpal etken. Sonyń nátıjesinde qonaqúı brondaýdyń tolyq qunyn — 25 myń teńgeni erikti túrde qaıtarǵan.