Aqmola oblysynyń Qanaı-Bı aýylynda «Aýyl qutqarýshylary» erikti órt quramasynyń jańa beketi jumysyn bastady. Nysandy jergilikti jaýapkershiligi shekteýli seriktestiktiń qoldaýymen jańartyp, iske qosty. Jobanyń júzege asýy órt qaýipsizdigin arttyryp, qutqarýshylardyń oqıǵa ornyna jetý ýaqytyn qysqartady, dep habarlaıdy infohub.kz saıty.
Jańa bólimshe eń jaqyn órt bóliminen 39 shaqyrym jerde ornalasqan. Ol jalpy sany 596 adam turatyn tórt eldi mekendi órtten qorǵaıdy.
Tótenshe jaǵdaılarǵa jedel den qoıý úshin beket arnaıy kólikpen jabdyqtalǵan. Búginde komanda qajetti órt-tehnıkalyq jabdyqpen jáne jeke qurammen tolyq jasaqtalǵan.
Nysannyń ashylýy shalǵaı aýdandar turǵyndarynyń qaýipsizdigin qamtamasyz etýdegi mańyzdy qadam dep baǵalanyp otyr. Daıyndyǵy bar mamandar men tehnıkanyń bolýy órtterdi ýaqtyly sóndirip, profılaktıkalyq jumystar júrgizýge múmkindik beredi.
Búginde Qazaqstanda osyndaı 271 erikti órt quramasy jumys istep tur.