Aqmola oblysynda polıseıler urlanǵan motosıkldi qýyp, 21 jastaǵy Astana turǵynyn ustady. Bul týraly infohub.kz saıty habarlaıdy.
Aqmola oblysy polısıa departamentiniń málimetinshe, 13 qyrkúıekte 102 arnaıy jelisine qala turǵynynan Zuumav markaly motosıklin urlaý týraly aryz túsken.
Aryz ıesiniń aıtýynsha, saǵat 11:50 shamasynda úıiniń janynda bolǵan belgisiz er adam kólik quralyn ıemdenip, qashyp ketken.
«Jedel basqarý ortalyǵynyń ınspektorlary habarlamany dereý óńdeı bastady. Beınebaqylaý kameralarynyń jazbalaryn zerdeleı kele, polıseıler kúdiktiniń qozǵalys baǵytyn anyqtady. Ol astanaǵa qaraı bet alǵany belgili boldy. Aqparat patrúldik polısıa qyzmetkerlerine jedel jetkizildi», — dedi polısıada.
Kóp uzamaı patrúldikter Astana — Petropavl avtojolynda baǵdarǵa sáıkes keletin motosıkldi tapqany habarlandy. Saǵat 12:12 shamasynda kólik quraly trassanyń 197-shaqyrymynda baıqalǵan. Qýǵynnan keıin motosıkldi 170-shaqyrymda toqtatyp, kúdiktini ustaý múmkin boldy.
Aqmola oblysy PD patrúldik polısıa batalónynyń 2-vzvody qyzmetiniń aǵa ınspektory, polısıa kapıtany Erbol Dúısentaıdyń aıtýynsha, polıseıler jolda qaýipti jaǵdaı týǵyzbaýǵa jáne jol-kólik oqıǵasyn boldyrmaýǵa tyrysqan.
«Biz JKO-ǵa jol bermeý jáne basqa jol qozǵalysyna qatysýshylardy qaýipke tikpeý úshin barynsha saqtyqpen áreket etýge tyrystyq. Sondyqtan ustaý motosıkl tabylǵan jerden aıtarlyqtaı qashyqtyqta júzege asty», — dep atap ótti polısıa kapıtany.
Tekserý barysynda ustalǵan adamnyń Astana qalasynyń 21 jastaǵy turǵyny ekeni anyqtaldy.
«Aldyn ala derekter boıynsha, jas jigit motosıkldi satyp alý úshin kórip ketken, alaıda satyp alýǵa aqshasy bolmaǵan. Iesi oǵan motosıkldi teýip kórýge ruqsat bergen soń, jas jigit kólik quralyn ıemdenip, qashyp ketýdi sheshken», — dedi polısıada.
Osy fakti boıynsha polıseıler urlyq boıynsha sotqa deıingi tergep-tekserý bastady. Qazirgi tańda qajetti tergeý áreketteri júrgizilýde, olardyń nátıjesi boıynsha kúdiktiniń áreketterine tıisti quqyqtyq baǵa beriledi.