Aqmola oblysynda sapbordta júzip júrgen eki er adam joǵalyp ketken edi, olardy izdeý sátti aıaqtaldy, dep habarlaıdy infohub.kz saıty.
Oqıǵa Astana sý qoımasynda boldy. 2001 jáne 2002 jyly týǵan er adamdar sýǵa túsken, biraq kenetten soqqan jel men bıik tolqyndar saldarynan olardy jaǵadan shamamen 4 shaqyrymǵa alyp ketken.
Aqmola oblysy jáne Astana qalasy TJD qutqarýshylary dereý izdeýge shyqty. Operasıa shamamen tórt saǵatqa sozyldy. Túngi saǵat bir shamasynda joǵalǵandar qamys arasynan tabyldy. Olar uıyqtap qalyp, qutqarýshylardyń belgilerin estimegen.
Er adamdar jaǵaǵa jetkizildi, olarǵa medısınalyq kómek qajet bolmady. Degenmen, sý aıdyndaryndaǵy qaýipsizdik talaptaryn buzǵany úshin olar QR ÁQBtK-niń 412-baby boıynsha ákimshilik jaýapkershilikke tartyldy.
TJM eske salady: sýǵa shyǵar aldynda aýa raıy jaǵdaıyn jáne boljamdy eskerý, jeldiń kúsheıýi men tolqyn bıiktigine nazar aýdarý qajet. Qolaısyz aýa raıynda sýǵa shyqpaý kerek.