Aqmola oblysynda shaǵyn avtobýs pen júk kóligi soqtyǵysyp, eki adam qaza taýyp, taǵy segiz adam jaraqat aldy, dep habarlaıdy infohub.kz.
Qaıǵyly oqıǵa túnde Astana — Petropavl tas jolynda, Aqkól qalasynyń mańynda boldy. Mercedes-Benz Sprinter men GAZ-53 kólikteri soqtyǵysqan. KTK telearnasynyń málimetinshe, qaza tapqandar — Germanıadan kelgen erli-zaıyptylar. 59 jastaǵy er adam oqıǵa ornynda qaza tapty — ony aldyńǵy oryndyqta qysylyp qalǵan metal qırandylary basyp qalǵan. Onyń 52 jastaǵy áıeli reanımasıada kóz jumdy.
Aýrýhanaǵa jetkizilgen jolaýshylar arasynda qaza tapqandardyń toǵyz jasar qyzy da boldy. Aqmola oblystyq densaýlyq saqtaý basqarmasynyń baspasóz hatshysy Madına Smaǵulovanyń aıtýynsha, alty adam ártúrli aýyrlyqtaǵy jaraqattarmen — soqqylar, kógerýler, sydyrylýlar jáne synyqtarmen travmatologıa bólimshesine jatqyzyldy. Taǵy bir áıel óte aýyr jaǵdaıda boldy: ony jasandy tynys aldyrý apparatyna qosyp, reanımasıalyq sharalar júrgizdi, alaıda dárigerlerdiń kúsh-jigerine qaramastan, ony aman alyp qalý múmkin bolmady.