Mıshel Erkin 2023 jyldan beri AQSH-tyń Almatydaǵy bas konsýly qyzmetin atqaryp kelgen edi. Endi bul laýazymǵa Pıter Kaýfman taǵaıyndaldy, dep habarlaıdy infohub.kz.
Bas konsýldyq Pıter Kaýfmannyń AQSH-tyń Almatydaǵy jańa bas konsýly bolyp taǵaıyndalǵanyn habarlady. «Jańa bas konsýl myrza Pıter Kaýfmandy Qazaqstanǵa kelgenimen quttyqtaımyz!» — delingen habarlamada.
Buǵan deıin bul laýazymda Mıshel Erkin bolǵan. Ol Qazaqstandaǵy jumysyna 2023 jyldyń tamyzynda kirisken. Ol almatylyq Jomart esimdi azamatqa turmysqa shyqqan, ekeýi tórt bala tárbıelep otyr. Mıshel Erkin orys jáne ıspan tilderin jetik meńgergen, sondaı-aq qazaq tilin úırenip júr.
Konsýldyqtyń paraqshasynda Mıshel Erkinniń qazaq tilinde qazaqstandyqtarǵa birlesken eńbegi úshin alǵys bildirgen vıdeosy jaryq kórdi.
2025 jyldyń basynda májilis depýtattary AQSH-qa Almatyda konsýldyq ǵımarat salý úshin jer telimin jalǵa berý týraly zań jobasyn qaraýǵa qabyldaǵany habarlanǵan bolatyn.