AQSH-ta COVID-19 vaksınasy men áskerı qyzmetshilerdiń qazasy arasyndaǵy yqtımal baılanys tergelýde, dep habarlaıdy infohub.kz.
Politico basylymynyń dereginshe, áskerı dáriger Tereza Long sotta bergen jaýabynda Densaýlyq saqtaý mınıstri Robert Kennedı-kishi jáne Qorǵanys mınıstri Pıt Hegsetpen birge áskerılerdiń qazasy mán-jaıyn anyqtap jatqanyn aıtqan. Tergeý 2021 jyly prezıdent Djo Baıden barlyq áskerı qyzmetshiler úshin mindetti vaksınasıany engizgennen keıin bastaldy.
Long memlekettik janama áserler týraly habarlaý júıesinde tirkelgen vaksınasıadan keıingi 2,5 myńnan astam rastalmaǵan ólim jaǵdaıyn zerttep jatyr. Dárigerdiń aıtýynsha, oǵan ekpe saldarynan bolýy múmkin 28 ólim jaǵdaıy belgili.
Basylym Densaýlyq saqtaý mınıstri Kennedıdiń COVID-19 vaksınalarynyń belsendi qarsylasy ekenin, olardy «eń qaýipti» dep ataıtynyn atap ótedi. Jaqynda ol amerıkandyqtardyń kópshiligine jyl saıynǵy vaksınasıa týraly úkimettik usynysty joıdy. Sonymen qatar, vaksınasıa salasyndaǵy kóptegen sarapshylar mınıstrdiń pikirimen kelispeıdi.