AQSh Federaldyq avıasıa basqarmasy Gaıtı astanasyna baǵyttalǵan reısterge tyıym salýdy naýryz aıyna deıin uzartty. Bul sheshim bandylyq zorlyq-zombylyqtyń jalǵasýyna baılanysty qabyldanǵan, dep habarlaıdy infohub.kz saıty.
Tyıym boıynsha komersıalyq avıakompanıalar men AQSH-ta tirkelgen azamattyq áýe kemeleri Port-o-Prens qalasynyń ústinen jáne oǵan jaqyn aımaqtardan, onyń ishinde Gaıtıdiń ortalyq bóliginiń keıbir aýdandarynan 10 000 fýttan (shamamen 3 000 metr) tómen usha almaıdy.
AQSh Federaldyq avıasıa basqarmasy alǵash ret mundaı reısterdi 2025 jyldyń qarasha aıynda toqtatqan bolatyn. Sebebi Port-o-Prenstegi Týsen Lývertúr halyqaralyq áýejaıyna qoný kezinde Spirit Airlines áýe kompanıasynyń ushaǵyna qarýly adamdar oq atqan edi. Saldarynan bortserik jeńil jaraqat aldy, al jerde turǵan basqa da komersıalyq ushaqtar zardap shekti.
Sol oqıǵadan beri basqarma tyıymdy birneshe ret uzartyp keledi. Bul shara Port-o-Prensti eldiń qalǵan bóliginen oqshaýlaýdy jalǵastyrýda.
Sońǵy uzartý seısenbide kúshine endi jáne 2 naýryzǵa deıin saqtalady. Qazirgi ýaqytta polısıa men BUU qoldaǵan bandylarǵa qarsy kúsh toby Port-o-Prenstiń shamamen 70 paıyzyn jáne Gaıtıdiń ortalyq aımaǵyndaǵy keń aýmaqtardy baqylaıtyn bandylardy basýǵa tyrysýda.