Xbox Game Pass, PlayStation Plus nemese Nintendo Switch Online jazylymdarynan bas tartqan amerıkandyq geımerlerdiń 40%-dan astamy sheshimderiniń basty sebebi retinde qarjylyq faktordy atady. Bul týraly Circana taldaý kompanıasynyń derekteri kórsetedi, dep jazady ChannelNews, habarlaıdy infohub.kz saıty.
Paıdalanýshylar jeke búdjetteriniń qysqarýyna baılanysty aqyly qyzmetterden bas tartýǵa májbúr bolyp otyr, alaıda servısterdiń sapasy men usynylatyn oıyndar katalogyna jalpy alǵanda rıza.
Eń aýyr qysymdy Nintendo Switch Online jazylymshylary sezinip otyr. Bul servısten bas tartqandardyń 50%-y qarajattyń jetispeýin kórsetti, al jyl basynda bul kórsetkish 40% edi. PlayStation jáne Xbox konsolderi boıynsha jazylymdardyń únemi qymbattaýyna narazy geımerlerdiń úlesi 40%-ǵa ósti.
Circana kompanıasynyń taldaýshysy Mett Pıskatella bul derekter jazylymnan bas tartýshylar sanynyń jalpy kúrt ósýin bildirmeıtinin atap ótti. Olar qyzmetterden bas tartýǵa sheshim qabyldaǵan adamdardyń negizgi sebepterin ǵana kórsetedi. Vıdeooıyn óndirýshileri kiristi ulǵaıtý men oıynshylar úshin servısterdiń qoljetimdiligi arasyndaǵy tepe-teńdikti izdeýge májbúr.