Birikken Ulttar Uıymy Bas Assambleıasynyń alańynda Danıa, Grenlandıa jáne Amerıka Qurama Shtattary araldyń qaýipsizdigi týraly kelisimge qol qoıdy. Al AQSh prezıdenti Donald Tramp eki iri amerıkandyq áskerı bazanyń salynatynyn jarıalady, dep habarlaıdy infohub.kz saıty.
NUR.KZ agenttiginiń RBK-ge silteme jasap habarlaýynsha, Donald Tramp BUU Bas Assambleıasynda sóılegen sózinde AQSh Grenlandıadaǵy áskerı qatysýyn kúsheıte bastaıtynyn málimdedi.
«AQSH-qa qarsy eshbir qarsylasqa endi Grenlandıada áskerı qatysý ornatýǵa nemese bizdiń jazbasha kelisiminsiz onda mańyzdy ınvestısıalar jasaýǵa ruqsat etilmeıdi. Biz tıisti oryndarda áskerı qatysýymyzdy kúsheıtý prosesin dereý bastaımyz. Biz eki óte iri áskerı baza salamyz», — dedi Tramp.
Keıin AQSh prezıdenti, Danıa premer-mınıstri jáne Grenlandıa úkimetiniń basshysy araldyń qaýipsizdigi týraly kelisimge qol qoıdy.
Tramptyń aıtýynsha, bul kelisim AQSH-qa Grenlandıadaǵy qaýipsizdik pen «barlyq basqa da qajettilikterge» turaqty baqylaý ornatýǵa múmkindik beredi.
«Bul kelisim bizdiń — halyq retinde ózin-ózi anyqtaý quqyǵymyzdy moıyndaıdy. Sondaı-aq bizdi Arktıkadaǵy ortaq qaýipsizdigimizdiń bir bóligi retinde tanıdy», — dedi Grenlandıa premeri Iens Frederık-Nılsen.
Al Danıa úkimetiniń basshysy Mette Frederıksen kelisimdi oǵan qol qoıǵan elder úshin, sondaı-aq NATO men Eýropa úshin «jaqsy» dep atady.
Eske salaıyq, jyl basynda amerıkandyq kóshbasshy Grenlandıany basyp alý josparyn ázirleýge buıryq bergen. Alaıda keıinirek AQSH-tyń Danıadaǵy elshisi Kennet Hoýerı Donald Tramptyń Grenlandıany kúshpen basyp alý ıdeıasynan bas tartqanyn málimdedi.
Osy jyldyń mamyrynda AQSh ókilderi Danıamen Grenlandıa aralynda áskerı bazalar ashý týraly kelissózderdiń jańa kezeńin bastaǵan. Al Danıa premeri Mette Frederıksen aral satylmaıtynyn aıtyp, kоróldik aýmaǵyn qorǵaıtynyn ýáde etken.