AQSh federaldyq soty Donald Tramp ákimshiliginiń Qazaqstandy qosa alǵanda, 75 eldiń azamattaryna ımıgrasıalyq vıza berýdi toqtatý týraly sheshimin zańsyz dep tanydy, dep habarlaıdy infohub.kz.
Manhettendegi sýdıa Djanett Vargas Memlekettik departament saıasatyn «ashyq zańsyz» dep tanyp, úkim shyǵardy. Ol sondaı-aq memlekettik hatshy Marko Rýbıonyń zańda kózdelgen ókilettigin asyra paıdalanǵanyn anyqtady.
Shekteýler 2026 jyldyń 21 qańtarynan bastap qoldanysta boldy. Sol kezde Memlekettik departament AQSh bıligi elge kóshkennen keıin áleýmettik járdemaqy alý qaýpi joǵary elder qataryna jatqyzǵan 75 memleket azamattaryna ımıgrasıalyq vıza berýdi tolyǵymen toqtatqan bolatyn. Qazaqstan resmı túrde osy tizimde boldy.
Shekteýlerge Reseı, Belarýs, Armenıa, Ázirbaıjan, Qyrǵyzstan, Ózbekstan, Grýzıa jáne Moldova da ilikti. Barlyǵy sheshim Eýropa, Azıa, Afrıka, Taıaý Shyǵys, Latyn Amerıkasy jáne Karıb baseıni elderin qamtydy.
«Ótinish berýshiniń azamattyǵyna qaraı ımıgrasıalyq vıza berýdi múldem tyıym salatyn saıasat zańda belgilengen júıeni tikeleı buzady», — delingen sot sheshiminde.
Qazaqstandyqtar úshin bul sheshim eń aldymen ımıgrasıalyq vızalarǵa — ıaǵnı AQSH-qa turaqty turýǵa kóshýge arnalǵan vızalarǵa qatysty bolǵandyqtan mańyzdy. Qańtardaǵy shekteý qarapaıym týrısik vızalarǵa qoldanylmady.
Memlekettik departament saıasatyna qarsy sotqa adam quqyǵy jónindegi uıymdar, ımıgrasıalyq vızaǵa ótinish berýshiler jáne týystarynyń kóshýine demeýshi bolǵan AQSh azamattary shaǵym túsirdi.
2026 jyly AQSH-tyń vıza saıasaty aıtarlyqtaı qatańdady. Sonymen qatar, sot joıǵan 75 el týraly sheshimdi Tramp ákimshiligi ulttyq qaýipsizdik múddesine saı engizgen birqatar memleket azamattaryna kirý men vıza berýdegi jekelegen shekteýlermen shatastyrýǵa bolmaıdy.