Amerıka Qurama Shtattary bıylǵy 30 qyrkúıekke deıin Iraktan áskerin tolyq shyǵarýdy josparlap otyr. Bul týraly Irak premer-mınıstri Álı áz-Zeıdıdiń Vashıngtonǵa jasaǵan sapary barysynda málim boldy, dep habarlaıdy infohub.kz saıty.
AQSh prezıdenti Donald Tramptyń aıtýynsha, ırak jerinde amerıkandyq áskerılerdiń bolý qajettiligi joıylǵan. Pentagon eki jyl buryn jasalǵan kelisimge sáıkes ásker shyǵarý jumystary júrgizilip jatqanyn rastady. Bul kelisimde tyıym salynǵan IGIL tobyna qarsy kúres mısıasyn toqtatý kózdelgen. Ásker tolyq shyǵarylǵannan keıin bul toppen kúresti Iraktyń qaýipsizdik kúshteri jalǵastyrady.
AQSh áskerıleri Irakta 2003 jyldan beri ornalasqan. Kontıngent sanynyń eń joǵary deńgeıi 2007 jyly tirkelip, 170 myń adamnan asqan. Keıinnen bul kórsetkish birtindep azaıyp, sońǵy jyldary Irakta shaǵyn áskerı top pen keńesshiler ǵana qaldy.