Vashıngton men Tegeran atysty toqtatýdy kelisken, ol Ormýz buǵazynda erkin júzýdi qamtıdy, dep habarlaıdy infohub.kz saıty.
Pákistandyq áskerı jáne Iran qaýipsizdik organdaryndaǵy derekkózderdiń málimetinshe, atysty toqtatý týraly resmı túrde jaqyn kúnderi jarıalanýy múmkin. Odan keıin taraptar kelissózder men tehnıkalyq konsýltasıalardyń birneshe raýndyn ótkizýdi josparlap otyr.
AQSh pen Iran bıligi ázirge kelisimge qol jetkizilgenin resmı rastaǵan joq.
Buǵan deıin Omannyń syrtqy ister mınıstri Badr ál-Býsaıdı Iran tarapymen kelissózderdiń ilgerilegenin habarlaǵan edi. Ol jaqyn arada Ormýz buǵazy arqyly kemelerdiń qaýipsiz ótýine arnalǵan ýaqytsha dáliz qurý týraly jarıalanady degen úmit bildirdi. Keıin taraptar máseleni túpkilikti sheshýdi kózdep otyr.
Maýsym aıynyń ortasynda AQSh pen Iran beıbit kelisim daıyndaý prosesin bastaýǵa tıis memorandýmǵa qol qoıǵan bolatyn. Birneshe aptadan keıin jaǵdaı qaıta ýshyqty. Vashıngton Tegerandy Ormýz buǵazyndaǵy saýda kemelerine shabýyl jasady dep aıyptap, taraptar qaıtadan soqqy almastyra bastady.
Sońǵy aptalarda Taıaý Shyǵystaǵy deldaldar AQSh pen Iranǵa jańa kelisimniń sharttaryn kelisýge kómektesýge tyrysýda. AQSh prezıdenti Donald Tramp buǵan deıin Vashıngton Tegeranmen kelissózderdi jalǵastyryp, bir mezgilde ıslam respýblıkasyna ekonomıkalyq qysymdy kúsheıtip jatqanyn málimdegen.
Amerıka kóshbasshysy sondaı-aq Iranǵa qarsy ekonomıkalyq operasıa bastalǵanyn jarıalap, odaqtastardy eldi oqshaýlaýǵa qosylýǵa shaqyrdy. Iran Syrtqy ister mınıstri Abbas Arakchı Tramptyń bul málimdemesin AQSH-tyń ishki problemalarynan nazardy basqarý áreketi dep atady.