AQSh Qarýly Kúshteriniń Ortalyq qolbasshylyǵy (CENTCOM) Irannyń bes munaı tankerin joıǵanyn habarlap, tıisti beınejazbany X áleýmettik jelisinde jarıalady, dep habarlaıdy infohub.kz.
Amerıkalyq áskerılerdiń málimdeýinshe, 8 qyrkúıekte CENTCOM kúshteri Irannyń shıki munaı tasymaldaıtyn bes kemesin joıdy. Bul Islam revolúsıasy saqshylary korpýsy (IRSK) sońǵy eki kúnde amerıkandyq áskerı kemege eki ret balıstıkalyq zymyranmen shabýyl jasaǵannan keıin boldy.
Vedomstvo AQSh kemesi ırandyq shabýyldardan sátti qutylǵanyn, áskerı qyzmetkerlerdiń zardap shekpegenin atap ótti.
Buǵan deıin Iran Iordanıadaǵy amerıkandyq áskerı bazalarǵa jappaı zymyrandyq soqqy jasaǵan bolatyn. Sonymen qatar, IRSK Ormýz buǵazynda amerıkandyq sýasty ushqyshsyz apparatyn basyp alǵanyn habarlady.