AQSh Parsy shyǵanaǵynda Irannyń munaı tankerlerine jaýap soqqy berip, úsh kemeni joıdy. Bul Iran tarapynan eki amerıkandyq áskerı kemege balıstıkalyq zymyran ushyrylǵannan keıin boldy, dep habarlaıdy infohub.kz.
AQSh Ortalyq qolbasshylyǵynyń (CENTCOM) málimetinshe, amerıkandyq kúshter Islam revolúsıasy saqshylary korpýsynyń (KSIR) avıatasymaldaýshy men basqarylatyn zymyrandyq esmıneske baǵyttalǵan birneshe shabýylyn toıtaryp úlgerdi. Oqıǵa saldarynan amerıkandyq áskerı qyzmetshilerdiń eshqaısysy zardap shekken joq.
AQSh Ortalyq qolbasshylyǵynyń qolbasshysy admıral Bred Kýper senbi kúni: «Bizdiń KSIR-ge joldaǵan belgimiz óte aıqyn: eger sizder bizdiń eki kememizge atys jasasańyzdar, biz sizderdi odan da joǵary ekonomıkalyq baǵa tóleýge májbúr etemiz — úsh kemeńizdi joıamyz», — dedi.
«Biz amerıkandyq kúshterdi qorǵaý úshin esh oılanbastan áreket etemiz jáne qajet bolsa, Irannyń shekteýli ári osal munaı flotyn joıamyz», — dep qosty Kýper.
Buǵan deıin Iran AQSh Islam Respýblıkasynyń kemelerine shabýyldaryn toqtatpasa, amerıkandyq áskerı kemelerge soqqylardy kúsheıtýdi josparlap otyrǵany habarlanǵan bolatyn. Mundaı eskertýdi «Hatam ál-Anbıa» áskerı qolbasshylyǵynyń ortalyq shtabynyń ókili Ebrahım Zolfagarı jasady, dep habarlaıdy Fars.
«Eger zulymdyqtar jalǵasyp, turaqsyzdyq týǵyzylyp, ırandyq kemelerge kedergi jasalyp, Iranǵa teńiz blokadasy qoldanylsa, Islam Respýblıkasynyń qarýly kúshteriniń aımaqtaǵy AQSh áskerı kemelerine soqqylary burynǵydan da aýyr bolady», — dep qaýip tóndirdi Zolfagarı.
Ol sondaı-aq Tegerannyń «bul shabýyldardy keńeıtý» múmkindigin qarastyryp jatqanyn atap ótti.