AQSh Qarýly Kúshteriniń Ortalyq qolbasshylyǵy (CENTCOM) Irannyń áskerı áleýetin álsiretý úshin jańa shabýyldar serıasyn júrgizgenin habarlady, dep habarlaıdy infohub.kz.
Sársenbi kúni, 15 shildede, CENTCOM X áleýmettik jelisinde Iranǵa jańa soqqylar tolqyny bastalǵany týraly málimdeme jarıalady. Operasıa shyǵys ýaqyty boıynsha saǵat 06:00-de (Astana ýaqytymen 15:00) bastaldy. «Soqqylardyń maqsaty – Iran kúshteriniń Ormýz buǵazyndaǵy saýda kemelerine shabýyl jasaý úshin qoldanǵan áskerı múmkindikterin odan ári álsiretý», – delingen habarlamada.
Buǵan deıin CENTCOM 90 mınýtqa sozylǵan soqqylar serıasynyń aıaqtalǵanyn málimdegen edi. Amerıkandyq áskerıler jaǵalyq qorǵanys júıelerine, sondaı-aq Úlken Tonb aralyndaǵy qanatty zymyrandardy saqtaý jáne ushyrý oryndaryna joǵary dáldikti oq-dárilermen soqqy berdi. Iranda ázirge eshqandaı zaqym týraly habarlamaǵan.
Eske sala keteıik, AQSh pen Iran arasyndaǵy soqqylar almasý bir apta buryn, Ankaradaǵy NATO samıti qarsańynda bastalǵan edi. Keıin Aq úı basshysy atysty toqtatý rejımi aıaqtalǵanyn, alaıda Vashıngtonnyń kelissózderge daıyn ekenin málimdedi. Jaqynda Iran syrtqy ister mınıstriniń orynbasary Kazem Garıbabadı da AQSH-pen beıbit kelisimniń kúshi joıylǵanyn habarlady.