AQSH-ta bıyl qyzylshadan alǵashqy ólim jaǵdaıy tirkeldi. Bul qaıǵyly oqıǵa Pensılvanıa shtatynyń Lankaster okrýginde boldy. Aýrýdyń sońǵy otyz jyldaǵy eń iri órshýi men vaksınasıa qarqynynyń tómendeýi aıasynda oryn alǵan, dep habarlaıdy infohub.kz.
Pensılvanıa densaýlyq saqtaý departamentiniń málimetinshe, bıyl bul shtat eń kóp zardap shekkenderdiń birine aınaldy: 28 okrýgte qyzylshanyń 393 jaǵdaıy tirkelgen. Shtattyń ońtústik-shyǵysynda ornalasqan Lankaster okrýginde 185 jaǵdaı anyqtaldy, alaıda dál osy jerde shtatta sońǵy 35 jyldaǵy qyzylshadan bolatyn alǵashqy ólim tirkeldi.
«Vaksınasıa arqyly aldyn alýǵa bolatyn aýrýdan adamdardyń qaıtys bolýy týraly qaıta estý — bul durys emes», — dedi AQSh aýrýlardy baqylaý jáne aldyn alý ortalyqtarynyń juqpaly aýrýlarǵa qarsy áreket etý bóliminiń burynǵy dırektory Andjela Dann.
Jalpy, AQSH-ta bıyl qyzylshanyń 2777 jaǵdaıy rastaldy. Bul aýrý elde tolyqtaı joıylǵan bolatyn. Dannnyń pikirinshe, bul vaksınasıa deńgeıiniń tómendeýin jáne ondaǵan jyldar boıy vaksına qaýipsizdigi týraly jalǵan aqparat taratqan densaýlyq saqtaý mınıstri Robert F. Kennedı-kishi tusynda júrgizilgen saıasatty kórsetedi.
Pensılvanıa gýbernatory Djosh Shapıro Kennedıdiń indetpen kúresýge federaldy kómek kórsetý týraly usynysyn qabyldamaǵanyn málimdedi. «Men onyń áreketteri men osy ákimshilik tarapynan aıtylǵan rıtorıka jergilikti qaýymdastyqtarǵa teris áser etetinin óte anyq jetkizdim», — dep atap ótti Shapıro baspasóz máslıhatynda.
Bul ólimder AQSh prezıdenti Donald Tramp balalardy vaksınasıalaý boıynsha federaldy usynystardy qaıta qaraýdy kózdeıtin jarlyqqa qol qoıǵannan shamamen eki apta ótken soń boldy.