Америка Құрама Штаттары Венесуэланың бұрынғы президенті Николас Мадуро мен оның жұбайы Силия Флореске ресми түрде жаңа айыптар тақты, деп хабарлайды infohub.kz сайты.
Бұған дейін CNN телеарнасы Венесуэланың экс-президенті Николас Мадуро мен оның әйелі Силия Флореске АҚШ-та жаңа айыптар тағылатыны туралы мәлімет таратқан. Бұл ақпарат расталды.
Басылым дерегінше, Нью-Йорк штатының Оңтүстік округі федералды сотының үлкен алқабилер құрамы Венесуэла президенті Николас Мадуро мен оның әйелі Силия Флореске қатысты жаңартылған айыптарды бекітті. Оларға азаптау мақсатындағы сөз байласу айыпталуда.
«Жауапкерлер Николас Мадуро мен Силия Флорес заңның көлеңкесінде басқа адамға моральдық және физикалық азап келтіруге бағытталған әрекеттерді әдейі және саналы түрде сөз байласып, бірігіп, келісіп алды», — делінген құжатта.
Прокуратураның мәлімдеуінше, мұндай әрекеттердің бір мақсаты «саяси оппозицияны басып-жаншу және жазалау, өзге пікірді басу және сөз байласушылардың билігі мен өкілеттігін сақтап қалу» болған.
Азаптау мақсатындағы сөз байласудан бөлек, Мадуро мен Флореске тағы төрт айып тағылуда: автоматты қару мен қиратқыш құрылғыларды иелену туралы екі айып, есірткі контрабандасы және «есірткі терроризмі мақсатындағы сөз байласу».
Еске салайық, 3 қаңтарға қараған түні Каракаста жарылыстар болды. Содан кейін Трамп АҚШ ауқымды соққылар жасағанын, ал Венесуэла президенті Николас Мадуроны әйелімен бірге ұстап алып, елден шығарып жібергенін мәлімдеді.
Венесуэла Жоғарғы соты вице-президент Делси Родригес президент міндетін уақытша атқаратынын шешті. Венесуэла президенті Николас Мадуро мен оның әйеліне АҚШ-тағы сот процесі 2027 жылдың 1 маусымында басталады, — деді Нью-Йорк соты.
Жақында Мадуро отбасына түрмеден фотосуреттер жіберді. Ал қыркүйекте Мадуро мен Силия Флорес сәрсенбі күні судьядан есірткі саудасы бойынша айыптарын алып тастауды сұраған.