Amerıka ádilet júıesi memleket basshysynyń baspasózdi shekteý quqyǵyna kúmán keltiretin úkim shyǵardy: CNN, MS NOW jáne Politico tilshileriniń Belyı domǵa kiriýine tyıym salý zańsyz dep tanyldy, dep habarlaıdy infohub.kz saıty.
Deutsche Welle agenttiginiń málimetinshe, sýdıa Tımotı Kellı AQSh prezıdenti Donald Tramptyń jýrnalıserdiń ruqsattaryn joıý týraly sheshimi «olardyń konstıtýsıalyq quqyqtaryn buzýy múmkin» dep qaýly etti. Sot qaýlysynda amerıkandyq ákimshilik osy basylymdar ókilderiniń Belyı domǵa kirýin qalpyna keltirýge mindetti ekeni kórsetilgen.
Eske salaıyq, 18 qyrkúıekte AQSh prezıdenti CNN, MS NOW jáne Politico tilshileriniń Belyı domǵa kirýine tyıym salatynyn málimdep, buny atalǵan basylymdar jalǵan jańalyqtar taratady dep túsindirgen bolatyn. Kelesi kúni-aq osy redaksıalardyń jýrnalıseri ǵımaratqa kirgizilmegenin habarlady.
Keıinirek Donald Tramp osy jańalyq uıymdarynyń logotıpteri bar qoqys qaptarynyń sýretin jarıalady.
Osydan keıin jýrnalıserine Belyı domǵa kirýge tyıym salynǵan CNN, MSNBC jáne Politico prezıdent Donald Trampqa qarsy sotqa shaǵym túsirgeni belgili boldy. Janjal aıasynda birqatar jetekshi amerıkandyq BAQ prezıdent ákimshiligine boıkot jarıalady — telearnalar Belyı dom basshysy qatysatyn is-sharalardy pýldyq jarıalaýdy toqtatty.