AQSh Memlekettik departamenti belgili bir vıza sanattaryna ótinim bergen kezde azamattary 20 myń dollarǵa deıin kepildik tóleýge mindetteletin elderdiń jańartylǵan tizimin jarıalady. Tizimge 50 el endi, alaıda Qazaqstan olardyń qatarynda joq, dep habarlaıdy infohub.kz saıty.
Syrtqy saıası vedomstvonyń málimetinshe, dúısenbiden bastap, 3 tamyzdan bastap, atalǵan elderdiń azamattaryna týrısik jáne iskerlik vızalardy (B-1/B-2 sanattary) resimdeý kezinde qarjylyq kepildiktiń jańa tetigi qoldanylatyn bolady. Kepildik AQSH-ta bolý merzimin jıi buzatyn azamattary bar elder úshin engizilýde.
Memlekettik departamenttiń resmı habarlamasynda: «İskerlik nemese týrısik maqsatta elge ýaqytsha kelýge vıza alýǵa ótinim bergen shetel azamatynan ımıgrant emes mártebesin saqtaý jáne belgilengen tártippen elden ketý kepildigi retinde kepildik aqsha tóleý talap etilýi múmkin. Konsýldyq qyzmetkerler tıisti ımıgrant emes vızaǵa ótinim berýshilerden vıza berý sharty retinde 20 myń dollarǵa deıin kepildik tóleýdi talap ete alady — konsýldyq qyzmetkerlerdiń qalaýy boıynsha», — delingen.
Qorytyndy tizimge 50 el endi, onyń 30-y Afrıkada ornalasqan. Sondaı-aq tizimde Grýzıa, Qyrǵyzstan, Tájikstan jáne Túrikmenstan bar. Qazaqstan atalǵan tizimge engizilmegen.