Ulttyq muhıt jáne atmosfera basqarmasynyń (NOAA) málimetinshe, AQSH-tyń qurlyqtaǵy bóliginde shilde aıy tarıhtaǵy eń ystyq aı bolyp tirkeldi. Ótken aıda eldiń tómengi 48 shtatynda ortasha temperatýra 76,89 gradýs Farengeıtti (24,94 gradýs Selsı) qurady. Bul 1936 jylǵy shańdy daýyl kezeńindegi shilde aıynan 0,125 gradýsqa joǵary, dep habarlaıdy infohub.kz.
Aláskada ádetten tys salqyn bolǵanymen, tómengi 48 shtatta aýa temperatýrasy qalyptydan joǵary boldy. Eń joǵary ystyq taýly Batys, Ońtústik-Batys, Soltústik jazyqtar jáne Ońtústik-Shyǵys aımaqtarynda baıqaldy. Ystyqtyń negizgi sebebi — túngi temperatýranyń joǵary bolýy. Adamdar men aýyl sharýashylyǵy úshin mańyzdy túngi eń tómengi temperatýra aldyńǵy rekordtan 0,7 gradýsqa joǵary boldy, dep málimdedi NOAA. Ǵalymdardyń pikirinshe, túnniń jyly bolýy — adam áreketinen týyndaǵan klımattyq ózgeristiń klasıkalyq belgisi.