Aqtaýda er adam óz áıeline birneshe ret pyshaq salyp, shabýyl jasaǵan degen kúdikke ilindi. Oqıǵa 14 shildede tańerteń 14-shaǵynaýdanda bolǵan, dep habarlaıdy infohub.kz saıty.
Jábirlenýshiniń týystary áleýmettik jelide kýágerlerdi izdep, kómek suraǵan. Olardyń aıtýynsha, áıel kúıeýimen ajyrasýdy josparlaǵan, al ol ony, balalaryn jáne jaqyndaryn óltiremin dep birneshe ret qorqytqan. Otbasynda tórt bala tárbıelenip jatyr.
«Sol kúni tańerteń kúıeýi ápkemdi úıden shyǵaryp, eger sóılesýge shyqpasa, balalardy óltiremin dep qorqytty. Ol kezdesýge kelgende, kúıeýi ony uryp-soǵyp, birneshe ret pyshaq saldy. Qazir ápkem aýrýhanada. Jaǵdaıy aýyr bolǵanymen, turaqty. Biz oqıǵanyń vıdeoǵa túsirilgen kýágerlerin izdep jatyrmyz», — dedi jábirlenýshiniń qaryndasy.
Mańǵystaý oblysy polısıa departamenti jaǵdaıǵa túsinik berdi: «Aldyn ala anyqtalǵandaı, jábirlenýshige dene jaraqattary otbasylyq-turmystyq janjal kezinde keltirilgen. Jábirlenýshi aýrýhanaǵa jatqyzylyp, qajetti medısınalyq kómek kórsetildi. Kúdikti ustalyp, sot sanksıasymen qamaýǵa alyndy».