Aqtaýda polısıa qyzmetkerleri 10-qabattyń syrtqy tereze aldynda turǵan balany qutqardy, dep habarlaıdy infohub.kz NUR.KZ jáne Mańǵystaý oblysy PD-na silteme jasap.
Búgin, 2026 jylǵy 30 shildede, saǵat 09:28-de 102 arnasyna Aqtaýdaǵy turǵyn úı keshenderiniń birinde 10-qabattaǵy ashyq terezeniń aldynda bala otyryp, aıaǵyn syrtqa shyǵaryp alǵany týraly habarlama kelip tústi. Oqıǵa ornyna kelgen patrúldik polısıa ekıpajy jaǵdaıdy syn kózben baǵalady: kámeletke tolmaǵan bala terezeden tolyǵymen shyǵyp, ǵımarattyń syrtqy ramasynda turǵan.
«Patrúldik polısıa qyzmetkerleriniń saýatty, batyl jáne úılesimdi is-áreketteriniń arqasynda tragedıa boldyrmady. Polıseıler balany ýaqytyly qutqaryp, oryn alýy múmkin qaıǵyly oqıǵanyń aldyn aldy», — dep túsindirdi Mańǵystaý oblysy PD-da.
Sábıdiń ómiri men densaýlyǵy Aqtaý qalasynyń polısıa basqarmasy patrúldik polısıa batalónynyń qyzmetkerleri Erjan Kókenov pen Danıar Tatıevtiń kásibıliginiń arqasynda saqtaldy.