Aqtaý prokýratýrasy qala turǵynyna qatysty qylmystyq isti tergep aıaqtap, sotqa joldady. Ol atys qarýyn qoldanyp buzaqylyq jasady dep aıyptalýda. Oqıǵa qaladaǵy barlardyń birinde bolǵan. Onda aıyptalýshy men taǵy bir kelýshi arasynda janjal shyǵyp, keıin atysqa ulasqan. Qadaǵalaý organynyń baspasóz qyzmetinen málim etkendeı, aıyptalýshy jábirlenýshige oq atyp, onyń denesine jaraqat salǵan. İs QR Qylmystyq kodeksiniń 293-babynyń 3-bóligi boıynsha saralanǵan. Bul bap bes jyldan jeti jylǵa deıin bas bostandyǵynan aıyrý jazasyn kózdeıdi. Aıyptalýshynyń kináliligi men jaza mólsheri týraly túpkilikti sheshimdi sot shyǵarady. Prokýratýra bul rette kinásizdik prezýmpsıasyn eske salady. Vedomstvo sondaı-aq qoǵamdyq tártipti buzýǵa jol berilmeıtinin, zorlyq-zombylyq áreketter men qarý qoldaný úshin qatań jaýapkershilik kútip turǵanyn eskertedi. Bul týraly infohub.kz saıty habarlaıdy.