Aqtaý turǵyny, blog júrgizýshi, óziniń Instagram paraqshasyna tergeý áreketteriniń vıdeosyn jarıalaǵan. Kadrlarda qylmystyq is boıynsha jábirlenýshi retinde ótip júrgen eki jergilikti turǵyn kóringen. Olar ózderiniń kelisiminsiz sýretteri paıdalanylǵanyn aıtyp, sotqa júginip, vıdeony alyp tastaýdy jáne moraldyq zalal úshin ótemaqy tóleýdi talap etken. Bul týraly infohub.kz habarlaıdy.
Sot otyrysynda bloger ózin qoǵam qaıratkeri nemese shtattan tys jýrnalıs dep málimdegen, alaıda bul dálelder eskerilmegen. Sot jarıalanǵan vıdeo beınelengen adamdardyń kelisimi qajet etilmeıtin materıaldar sanatyna jatpaıtynyn atap ótken.
Nátıjesinde sot vıdeo jarıalaýdy zańsyz dep tanyp, blogerdi ony óz paraqshasynan alyp tastaýǵa jáne árbir talapkerge moraldyq zalal úshin 200 myń teńgeden ótemaqy tóleýge mindettegen. Jalpy tólem somasy 400 myń teńgeni quraǵan. Sot sheshimi zańdy kúshine engen.