Djekı Chan qatysqan jańa fılmniń alǵashqy túsirilim kúni Aqtaýda resmı túrde bastaldy, dep habarlaıdy infohub.kz.
Salem Entertainment kompanıasy jobanyń bastalý rásiminen kadrlar jarıalady. Dástúr boıynsha top kino tarelká syndyryp, «Dospehı Boga: Últımatým» fılminiń túsirilimine sımvoldyq start berdi. Rásimge rejıser Robert Kýn jáne Djekı Channyń ózi qatysty.
Salem Entertainment bul qazaqstandyq kınematograf úshin tarıhı oqıǵa ekenin atap ótti. Túsirilimniń bir bóligi Qazaqstanda ótedi, al fılmniń negizgi túsirilim oryndarynyń biri Aqtaý bolyp otyr.
Jarıalanǵan kadrlarda Djekı Chan sımvoldyq kino tarelká ustap, túsirilim tobymen sóılesip turǵan sátte beınelengen.
Pikirlerde qoldanýshylar túsirilim tobyn jumystyń bastalýymen quttyqtaýda. «Tánti boldym, quttyqtaımyn», «Tek alǵa», «Jaraısyńdar! Sáttilik, jigitter!», «Balalyq shaǵymyzdyń keıipkeri», — dep jazady olar.
Buǵan deıin Mańǵystaý oblysynyń ákimi Nurdáýlet Qılybaı halyqaralyq «Dospehı Boga 4: Últımatým» fılminiń túsirilimine qatysýǵa kelgen Djekı Chanmen kezdesken. Ákimdiktiń málimetinshe, negizgi túsirilim alańdarynyń biri Bozjyra shatqaly bolady.