Aqtaý qalasynyń ákimdigi áleýmettik jelilerde paıda bolǵan, avtogaz quıý stansıalaryndaǵy kezekter túsirilgen beınejazbalarǵa túsinik berdi, dep habarlaıdy inbusiness.kz.
Monıtorıń derekteri boıynsha, 19 shildede saǵat 12:00-de Aqtaýda 32 avtogaz quıý stansıasy jumys istep, tutynýshylarǵa qyzmet kórsetýde. Ákimdikte barlyq jumys istep turǵan stansıalarda suıytylǵan munaı gazynyń bólshek saýda baǵasy 72 teńge ekenin atap ótti.
Ákimdik ókilderi: «Kezekter jaǵdaıy turaqty dep baǵalanýda. Qala shetindegi avtogaz quıý stansıalarynda kezekter az. Jumys istep turǵan stansıalarda orta eseppen 3-ten 15-ke deıin avtokólik tirkeledi, al keıbir stansıalarda kezek múldem joq» — dep málimdedi.
Ákimdik qyzmetkerleri jaǵdaıdy baqylaýda ustap otyrǵandaryn atap ótip, turǵyndardy resmı aqparat kózderine súıenýge shaqyrdy.